30個月人仔

30個月人仔......兩歲半......

快得好像眨一下眼......

但要捱到大學畢業, 還有漫漫長路......

30個月大, 好像忽然懂事了, 會看大人的眉頭眼額, 說話多了, 搗蛋多了, 脾氣大了, 佔有慾強了, 愛話事亦好管閒事......有時dada mama傾偈, 有人在旁一邊玩玩具, 一邊偷聽大人談話, 又會插咀一起"討論"...

 

說話﹕

- 可以組織完整句子: 中文大致上沒問題, 英文大多時候也能說出完整句子, 當然某些字的運用, 還未完全掌握得到.....

有一次問paobb上英文課的情況, 老師在手冊寫上課時玩吹泡泡, 問paobb有沒有一起吹泡泡, 有人回答 "Miss Sally blow bubbles, me catch!" 

最近迷上鯊魚狀軟糖, 有人會不停嚷著 "I want to eat yellow shark candy!"

基本上可以見人 (中國人) 講人話 (廣東話), 見鬼 (工人) 講鬼話(英文), 自動轉台...

 

- 會表達意願: "我唔鍾意呢個/ 我鍾意xxx/ 我想xxx"

 

- 會表達喜好: "唔好聽呢首歌啦! 呢首歌好難聽!"

 

- 會發施號令: "你唔好玩(玩具)啦!/唔好搞(他的手臂)/幫手攞(玩具)"

 

- 超重尾音: 講什麼都搭一個尾音 "我唔知道啦!" "有喎!" 以加強語氣, 表達情感...!

 

 

行為﹕

- 八卦: 出到街身邊有事發生, 就算唔關事的都望到實一實

 

- 扮嘢: 要認自己係最靚仔...... 比大人鬧一兩句就扮嘢大喊搏同情......

淚腺特別發達, 收放自如......

明明識得著鞋, 著褲, 一見有大人在家又扮話唔得要人服侍......

 

- 戒片: 基本上可以表示如廁需要, 但仍偶有失手...由於臨睡前還飲一樽奶, 瞓覺還是要著片, 未戒得甩......努力中...

 

- 嗜好: 車不離手, 所有關於車的都愛, 睡覺都要有車在手......有時迷糊之間甩掉車在床上, 合著眼睡, 嘴裏還會追問, "車去咗邊?"

仍享受與mama的讀故事書時間, 看書時愛坐在mama腿上, 即使是同一本書, 讀上十萬九千次, 仍然樂在其中...

 

- 食飯:  有時少爺癮發作, 要人餵食, 幾經訓示工人姐姐, 不可心軟, 不可妥協, 情況大有改善, 一般可自行吃一碗的飯......有時還會加湯一碗, 吃完便離座再玩......

 

- 睡眠: 晚上10時就寢, 早上8時起床, 午睡1.5-2小時, 生活尚算有規律......

窗台仍是paobb的睡床, 有時會做攝石人, 睡在dada mama之間, 早前天氣寒冷, 小子更強佔大人床作己用...

許願..."我要好多好多的車! 我要做司機!"

 

******************************************

近日經常看地震, 海嘯的壞消息, 心情低落...

回家看見你長高了, 懂事了, 精靈活潑...很是感動、無限感恩...!

希望世界不再有災難, 人人平安幸福過活!!